Alcaldes da comarca da Coruña piden "tranquilidade" á cidadanía e evitan falar de posible confinamento

Afirman que o crecemento do número de casos é "moi sostido", segundo a Xunta, polo que reclaman que non se xeren "alarmas".

Por Europa Press / Redacción | A Coruña | 11/08/2020 | Actualizada ás 17:53

Comparte esta noticia

O portavoz do goberno local da Coruña, Xosé Manuel Lage Tuñas, transmitiu unha "mensaxe de tranquilidade" á cidadanía tras a reunión deste martes dos alcaldes co conselleiro de Sanidade, Jesús Vázquez Almuiña, para realizar o seguimento da situación dos casos de coronavirus na comarca tras a adopción de restricións o pasado venres.

Probas de Covid-19.
Probas de Covid-19. | Fonte: Europa Press.

Aínda que di entender a "lóxica preocupación" cidadá porque a pandemia "nin desapareceu nin remitiu", o portavoz municipal afirma que non hai "ningunha medida nova" e explica que existe un "permanente contacto" coa Xunta e "por agora non nos informou de novas medidas".

No caso de que se adopten máis restricións nas próximas horas, sinalou Lage Tuñas, "o Concello informará á poboación con total transparencia". Pediu restar credibilidade ás mensaxes que circulan por redes sociais porque, criticou, pretenden "xerar unha alarma que por agora non foi transmitida polas autoridades competentes".

A tenente de alcalde de Oleiros, María José Varela, asegurou que a información sobre os casos detectados nas últimas 24 horas é "bastante tranquilizadora" porque supón "un crecemento moi sostido". Aínda así, pide "precaución" á poboación pero tamén manda unha mensaxe "tranquilizadora" sobre a adopción de medidas máis restritivas.

"Estamos a sufrir esta situación, pero tamén se crean moitos boatos", advertiu Varela, que engadiu que non será ata este mércores, na reunión que novamente manterá o conselleiro de Sanidade cos representantes dos municipios da comarca, cando se saiban se as restricións manteranse, endureceranse ou se levantarán.

Pola súa banda, o alcalde de Culleredo, José Ramón Rioboo, considera "fundamental" a coordinación entre administracións que supoñen os encontros diarios coa Xunta para "realizar seguimento da situación actual" e detallou que non se tratou "en ningún momento" adoptar medidas "diferentes" ás tomadas o pasado venres.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 3 comentarios

1 anonimo 2

Tranquilidade, não se confinará uma cidade importante, seja qual seja, até que tenhamos que confinar todo o território, lembremo-nos de Madrid! Agora sim, confinar a um povo de 400 vizinhos si que se pode fazer...e que ninguém esqueça a máscara quando vaia sachar nas patacas...que pode contagiar aos escaravelhos!

1 anonimo

Lérida ( 138.000 habitantes ) foi confinada. Menos lusismo, mais información.

2 anonimo 2

Bem certo, alguns deveriam aprender a compreender a informação. Lleida é uma cidade mas não se pode considerar importante em Catalunha, aqui confinou-se A Marinha, mas quando se confine A Corunha ou Vigo estará toda Galiza confinada, o mesmo sucedera antes de confinar Barcelona, ou Madrid (quando se confine Madrid estará confinada até a mais pequena aldeia). Sobre a língua lê um pouquinho, SARMIENTO “a língua portuguesa pura não é outra que a extensão da galega”. FEIJÓO “o idioma Lusitano, e o Galego são um mesmo”. MURGUIA “o galego e o português são um mesmo na origem, gramática e vocabulário. Por que não aceitar a ortografia portuguesa, si nos foi comum em outros tempos, por que não ha de selo de novo”. CASTELAO “o galego é um idioma extenso e útil, porque, com pequenas variantes, fala-se no Brasil, em Portugal e nas colônias portuguesas”