Por Galicia Confidencial | SANTIAGO DE COMPOSTELA | 13/08/2020 | Actualizada ás 09:00
A Xunta estaría a conceder a explotación dunha mina sen desenvolver a evaluación de impacto ambiental necesaria para o trámite. Esa é a denuncia que as plataformas Ecoloxistas en Acción e Contraminacción vén de facer con respecto ó proxecto mineiro Alberta I, que abrangue unhas 1.500 hectáras entre Ourense e Pontevedra. Segundo apuntan as organizacións ecoloxistas, o trámite de concesión da parcela estaríase a desenvolver "con exención do procedemento de evaluación de impacto ambiental" cando nesta explotación súbterranea "se dan todas e cada unha das circunstancias" previstas pola lei para realizar o procedemento de evaluación amentado.
Segundo destacan dende Ecoloxistas en Acción, o proxecto -que, apunta, abrangue unhas 1.500 hectáreas dos concellos de Avión, Beariz, Forcarei, a Lama e Cercedo- tería sido distribuído de xeito "artificioso" en multitude de pequenas parcelas para así evitar a evaluación de impacto ambiental. "É una práctica habitual das mineiras que a Xunta de Galicia ven permitindo ilegalmente", subliñan dende a plataforma.
ELEMENTOS RADIOACTIVOS
A necesidade de desenvolver o devandito informe viría marcada porque é "máis que probable" que a mina conte con "elementos radioactivos" asociados cos minerias que alí se pretenden explotar, a tantalita e a casiterita; segundo defendenden dende Contraminacción. A plataforma explica que as substancias serían machadas e disoltas, de xeito que poderían rematar "contaminando acuíferos" e "poñendo en risco á poboación", en particular ós traballadores da mina.
Neste aspecto, cómpre destacar que concesión de explotación directa que está a ser tramitada afectaría a unha superficie de 60 cuadrículas mineiras (1.500 hectáreas) que, segundo os ecoloxistas, se repartiría nos concellos de Avión, Beariz, Forcarei, A Lama e Cercedo.
Ante estas circunstancias, a plataforma Contraminacción xa entregou as súas alegacións á Dirección Xeral de Minas para que sexa desenvolta análise ambiental previa. Dun xeito paralelo, en Ecoloxistas en Acción avisan de que, no caso de que os responsables de Enerxía e Minas e Avaliación Ambiental -ambos dependentes da Xunta de Galicia- non "rectifiquen o seu informe e engadan a esixencia da realización do procedimento de evaluación de impacto ambiental", iniciarán accións legais contra eles.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.