A Xunta sobre o seu protocolo de volta ás aulas: "Será actualizado cando sexa necesario"

A Conselleira de Educación, Universidade e Formación Profesional, Carmen Pomar, destacou que o seu departamento traballa para un inicio do curso seguro, con todas as garantías sanitarias e dentro da máxima normalidade posible dentro do contexto actual da COVID-19.

Así se pronunciou durante unha visita ás instalacións do CEIP San Tomé de Cambados, onde incidiu na necesidade de ir vendo a evolución día a día, así como atender ás decisións das autoridades sanitarias.

A titular de Educación comprobou este xoves 'in situ' o plan organizativo que leva a cabo o equipo deste colexio de acordo co Protocolo de adaptación ao contexto da COVID-19 nos centros de educación non universitaria de Galicia para o curso 2020-2021, elaborado polas consellerías de Educación e Sanidade.

Precisamente, Carmen Pomar lembrou que o propio protocolo xa especifica que todas as medidas no recollidas poden ser obxecto de revisión continua en función da evolución do risco sanitario e das decisións que adopten as autoridades sanitarias autonómicas e estatais.

Por tanto, indicou que as medidas se irán actualizando cando sexa necesario, se os cambios na situación epidemiolóxica así o requiren e sempre seguindo as indicciones das autoridades sanitarias.

MÁIS UNIDADES EN INFANTIL E PRIMARIA

Así mesmo, dixo que, como medida de reforzo de espazos e persoal docente, "o sistema público galego contará con 158 unidades (grupos de clase) máis nas etapas de Infantil, Primaria e ESO, así como con 240 profesores que se incorporarán a partir de setembro". De feito, unha desas novas unidades que se habilitan será para o CEIO San Tomé, que o próximo curso contará cunha aula máis en terceiro de Primaria.

Imaxe dunha aula con alumnos. ISTOCK - Arquivo