Críticas á Xunta por pedir agora un protocolo de educación ó Goberno: "son uns incompetentes"
Numerosos usuarios das redes sociais critican duramente a Almuíña por pedir directrices ó Executivo: "non queren competencias porque non saben que facer con elas".
- A Xunta pide agora un "protocolo básico" estatal para o curso escolar ademais de "complementalo" en cada comunidade
- A Covid nas escolas: “A distancia dun metro da Xunta é unha trampa: na práctica serán 50 ou 60cm”
Por Galicia Confidencial | SANTIAGO DE COMPOSTELA | 17/08/2020 | Actualizada ás 14:33
Novo episodio de críticas polo protocolo de regreso ás aulas. Logo da denuncia de sindicatos e asociacións pola demora da Xunta á hora de elaborar o plan viñeron os ataques ante os "riscos" para a saúde de docentes e alumnos. O último capítulo neste traxecto de denuncia e indignación vén dado pola intervención do Conselleiro de Sanidade, Jesús Vázquez Almuíña, que no día de onte pediu ó Goberno central un "protocolo básico" para regular o regreso ás aulas.
As reaccións de sindicatos e plataformas non se fixeron agardar. Dende organizacións de diversa natureza acusaron á Xunta de desligarse das súas competencias para poder "botarlle a culpa" ó Executivo central cando o seu plan "fracase".
Semella que o protocolo infalible ten tantos fallos que xa hai que ir buscando a quen lle botar a culpa cando fracase con estrépitohttps://t.co/wyUvmDbwtb
— Profesorado en pé (@ProfesoradoP) August 16, 2020
Estamos en mans dunha xente tan incompetente como hipócrita. Logo de impoñer un protocolo contestado por todo o mundo agora pretenden agocharse de detrás do goberno estatal. Non queren competencias porque non saben que facer con elas #EscolaContraCovid https://t.co/vFBBzGJ8PL
— Suso Bermello (@susobermello) August 16, 2020
Con todo, o rexeitamento a este novo paso da Xunta veu tamén de usuarios particulares, que tamén afearon á Consellería esa vontade de buscar "escusas" para "botarlle as culpas a outros".
Se a Xunta sae o 16 de agosto a pedir un protocolo «estatal» para reabrir as escolas, é que a cousa pinta peor do que parece. E xa pintaba bastante mal.
— o David Paz Nóvoa (@madialevo) August 16, 2020
@Xunta ten competencias exclusivas no ensino. Todo son escusas para lle botar a culpa a outros. Incompetencia é o que amosan unha e outra vez. Fixeron un protocolo suicida, un protocolo demencial e como de costume, sen responsabilidade. E aínda temos 4 anos máis de incompetencia https://t.co/a7a79G6qyP
— Iago, profe de LGL (@iago_lgl) August 17, 2020
Lo que no entiendo es como, ante la falta de protocolo nacional y teniendo en cuenta que las clases empiezan en septiembre, por qué la Xunta no ha tomado las riendas y se ha puesto a trabajar. Para qué existe una Conselleria entonces?
— o Carlos Asensio 🛰️ (@Carlos_Asensio) August 17, 2020
A Xunta declara que é incompetente https://t.co/7p9bsHaRGq
— O'Iván (@echeoqhai) August 16, 2020
As críticas xurdidas a raíz deste episodio encádranse nunha longa estela de denuncias de anpas e profesores, que dende hai semanas acusan á Consellería de Educación de "delegar competencias nos profesores" para non ter que asumir as consecuencias dun hipotético fallo, tal e como publicou Galicia Confidencial. “Unhas instrucións con moito detalle asumen responsabilidades, quitándollelas aos docentes. A Xunta fai o contrario: deixa abandonada á comunidade educativa para non cargar coas consecuencias nin cos custes”, destacou Fernando Lacaci, presidente da Confederación de Anpas Galegas.
