A campaña de incentivos do Concello da Coruña para a reactivación leva case 1.500 descargas da súa APP
Segundo o concelleiro da Coruña de Economía, Facenda e Réxime Interior, José Manuel Lage, trátase "dunha das medidas máis relevantes do plan de reactivación económica e socialde A Coruña".
Por E.P. | A CORUÑA | 18/08/2020 | Actualizada ás 20:09
A campaña de incentivos ao comercio, á hostalaría e á cultura que o Concello da Coruña puxo en marcha o pasado 5 de agosto dentro do plan de reactivación económica e social da Coruña leva 1.485 descargas da APP Comerciantes, segundo informa o consistorio. En canto ás persoas que xa se descargaron bonos desconto suman un total de 6.315 ata o momento.
"Trátase dunha campaña que mobiliza 1.670.000 euros, que chegan de forma directa ao comercio de proximidade, á hostalaría e á industria cultural da cidade, mediante a posta en marcha de bonos desconto", explica o goberno local.
Ata o momento, o 68% dos establecementos rexistrados son comercios, os 21% negocios de hostalaría e o 11% corresponde ao sector cultural.
Segundo o concelleiro da Coruña de Economía, Facenda e Réxime Interior, José Manuel Lage, trátase "dunha das medidas máis relevantes do plan de reactivación económica e socialde A Coruña".
