Por Europa Press / Redacción | MADRID | 19/08/2020 | Actualizada ás 10:05
O "tren de borrascas" provocada polo chorro polar, que está a circular a latitudes máis baixas do normal levará entre o mércores e o xoves unha borrasca profunda que deixará ventos de máis de 80 quilómetros por hora, ondas de 4 metros e choivas intensas en Galicia, o Cantábrico e noroeste de Castela e León, segundo informou a Axencia Estatal de Meteoroloxía (AEMET).
O portavoz do AEMET, Rubén do Campo, explicou a Europa Press que as borrascas que estarán a chegar son en xeral pequenas e tenderán a desprazarse cara ao norte pouco antes de chegar á Península Ibérica, de maneira que deixan choivas tan só en Galicia e zonas próximas, aínda que no oeste da Comunidade galega as precipitacións son cuantiosas.
Ademais, indicou que entre este mércores e o xoves, unha borrasca bastante profunda desprazarase desde Islandia ás illas Británicas, e isto provocará temporal marítimo en alto mar con ondas que poden superar os 6 metros no Atlántico norte.
En España, os seus efectos serán ventos fortes en Galicia, con refachos que poderían superar os 80 quilómetros por hora en puntos da costa atlántica, onde haberá ondas de ata catro metros e precipitacións localmente intensas en Galicia, Cantábrico e noroeste de Castela e León.
"En principio, a profundización da borrasca non parece que vaia a cumprir os requisitos necesarios para falar de cicloxénese explosiva", concluíu.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.