Aumentan a 10 os casos positivos do brote relacionado cun cámping de Louro, en Muros
O caso inicial fixera a PCR na Coruña.
Por Europa Press / Redacción | SANTIAGO DE COMPOSTELA | 19/08/2020 | Actualizada ás 13:39
O brote de COVID-19 relacionado cun cámping da localidade coruñesa de Muros ascende a dez casos, tras obter resultado positivo outras dúas persoas vinculadas con respecto a este martes, informou a área Sanitaria de Santiago e Barbanza.
As mesmas fontes sanitarias explicaron que este brote parte dun caso índice que se fixo a PCR na Coruña, ao que se sumou outra na mesma área.
O sábado pasado coñecéronse os positivos de dúas persoas que se aloxaron nos últimos días nas instalacións. O rastrexo levara a illar a outros 23 usuarios das mesmas, considerados contactos estreitos e que se fixeron unha PRC. As probas arroxaron tres positivos, aos que se sumaron xa outros sete.
