Unha moza denuncia unha agresión sexual en Pontevedra, que pon en dúbida outra compañeira
Dous homes foron detidos e quedaron en liberdade provisional.
Por Europa Press / Redacción | PONTEVEDRA | 19/08/2020 | Actualizada ás 18:48
Dous homes, foron detidos pola Policía Nacional de Pontevedra tras a denuncia dunha muller, que os acusou de agredila sexualmente. Tras prestar declaración ante a autoridade xudicial, ambos quedaron en liberdade provisional.
Os feitos remóntanse á pasada semana, cando os detidos, residentes en Pontevedra e de nacionalidade dominicana, e outras dúas mulleres -os catro con idades entre os 20 e os 30 anos- accederon a unha vivenda situada na rúa Benito Corbal tras compartir unha velada nocturna.
Finalmente, unha das mozas presentou unha denuncia contra os dous acompañantes por presunta agresión sexual, que foi investigada pola Unidade de Familia e Muller da Comisaría Provincial de Pontevedra. Con todo, a outra muller presentou un testemuño que contradí a versión da suposta vítima, asegurando que accederan voluntariamente á vivenda e que, no interior da mesma, non apreciara a comisión de ningún feito delituoso.
A Policía Nacional de Pontevedra deu por concluída a súa actuación nesta denuncia, na que corresponde dirimir á autoridade xudicial se se produciron relacións sexuais consentidas en función dos testemuños e das probas forenses practicadas á denunciante.
