Por Galicia Confidencial | SANTIAGO DE COMPOSTELA | 20/08/2020 | Actualizada ás 13:29
Probas de covid-19 para todo o persoal da Administración con atención directa ó público. Esa é a petición que CC.OO. e UGT veñen de dirixir á Dirección Xeral da Función Pública, dependente da Xunta, para "previr -na medida do posible- un aumento na expansión dos contaxios entre o persoal público e a cidadanía".
A esixencia chega horas despois de que CC.OO. Ourense solicitara ó Concello auriense un rastrexo epidemiolóxico semellante ante o aumento de casos xeralizado en toda Galicia. Este inceemento estase a dar en particular na área sanitaria da Coruña e Cee, que hoxe supera xa os 1.000 casos logo de sumar 85 en apenas 24 horas.
Ante este "incremento exponencial de contaxios de COVID-19 en Galicia", os sindicatos esixen a realización de probas diangósticas ó persoal dos rexistros, das oficinas de emprego, dos Servizos de Mediación e Arbitraxe e, en suma, de todas as oficinas de atención ao público. "En definitiva, que non se limiten só ao persoal de atención directa aos usuarios da Consellería de Política Social e ao persoal docente de primaria e secundaria da Consellaría de Educación, Universidade e Formación Profesional", como ata agora sucede.
MÁSCARAS NON SÓ PARA OS MÉDICOS
Dun xeito paralelo, dende as formacións sindicais esixen á Xunta que lle proporcione ao seu persoal "os equipos de protección adecuados ao nivel de risco", unha dotación que "cando menos" deberá corresponder con máscaras protectoras. CC.OO. e UGT insisten en estender esta provisión máis alá do ámbito sanitario para abranguer "todos os centros de traballo". Á parte, instan á Xunta a adoptar medidas para "controlar a coincidencia masiva de persoas", nos centros de traballo durante as franxas horarias de previsible maior afluencia, unha labora que ao ser veu require de protocolos e ratio de atención e asistencia física.
Para máis información
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.