Soben a 84 os contaxiados en residencias en Galicia con 65 só nun centro do Incio
Soben a 11 os contaxiados na residencia Orpea da Coruña.
Por Europa Press / Redacción | SANTIAGO DE COMPOSTELA | 21/08/2020 | Actualizada ás 12:50
Os usuarios e traballadores infectados con coronavirus COVID-19 en Galicia aumentaron a 84, deles 65 casos --57 maiores e oito empregados contaxiados-- dun centro do Incio.
Segundo os datos actualizados este venres polas consellerías de Política Social e Sanidade, os casos positivos detectados entre os usuarios da Residencia O Incio sitúanse en 57 e oito traballadores.
Nas últimas 24 horas súmanse dous traballadores máis contaxiados na residencia Orpea Coruña de Culleredo, na que hai 11 usuarios e catro empregados con COVID-19.
Así, segundo o balance da Xunta, os usuarios infectados por COVID-19 en residencias en Galicia sitúanse en 68, deles 57 do centro do Incio e 11 na Residencia Orpea Coruña en Culleredo.
En canto aos traballadores contaxiados, soben a 16, oito deles na residencia do Incio; catro na Orpea Coruña; un na DomusVi Monforte; outro na Residencia de Maiores de Paradela; outro na Residencia de Maiores San Bartolomeu en Xove e outro na DomusVi Barra de Miño en Coles (Ourense).
