Un milleiro de denuncias na provincia de Pontevedra por non usar máscara
Agora faranse controis centrados nas grandes cidades, con especial atención á realización de botellóns entre os mozos.
Por E.P. | PONTEVEDRA | 21/08/2020 | Actualizada ás 19:49
Os corpos e forzas de seguridade do Estado interpuxeron preto dun milleiro de denuncias por non usar máscara desde o comezo da 'nova normalidade', segundo datos da Subdelegación do Goberno.
A subdelegada do Goberno en Pontevedra, Maica Larriba, coordina coa Garda Civil e a Policía Nacional os operativos de vixilancia deste fin de semana sobre o control de medidas do coronavirus.
Nun encontro telemático, Larriba mostrou a "total colaboración" da Subdelegación do Goberno para facer cumprir a normativa e as últimas medidas aprobadas.
A pesar das denuncias, as autoridades policiais trasladáronlle a "responsabilidade" da cidadanía no cumprimento das normas, así como a "total colaboración" do sector da hostalaría respecto da prohibición de non fumar nas terrazas.
Agora faranse controis centrados nas grandes cidades, con especial atención á realización de botellóns entre os mozos.
