Por E.P. | SANTIAGO DE COMPOSTELA | 24/08/2020 | Actualizada ás 17:43
O Sindicato Labrego pide ao Concello de Melide a reapertura "inmediata" do mercado semanal de produtos agrarios, pechado ata o 5 de setembro a raíz do brote de coronavirus detectado no municipio.
Nun comunicado, o SLG lamenta que esta é unha medida "innecesaria" que "causará un enorme prexuízo económico ás familias labregas" desta comarca e zonas próximas.
E é que avisa de que moitos produtores teñen nesta feira "unha das súas principais vías de comercialización e ingresos", precisamente nunha das épocas de maior produción para o sector hortícola e da froita.
Ademais, o Sindicato Labrego lembra que os produtores seguen un "estrito protocolo sanitario deseñado pola Consellería de Medio Rural", á vez que se venden os produtos ao aire libre, "moito máis seguro" que comprar nun supermercado.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.