Positivo por COVID dunha traballadora na residencia Volta do Castro en Santiago
Un equipo de profesionais de enfermaría desprazouse á residencia para realizar PCR a "131 residentes e 162 traballadores" tras o coñecemento deste caso positivo.
Por Europa Press / Redacción | SANTIAGO DE COMPOSTELA | 24/08/2020 | Actualizada ás 20:25
Unha traballadora da residencia Volta do Castro de Santiago de Compostela deu positivo en coronavirus polo que o Servizo Galego de Saúde procedeu a realizar probas ao resto de persoal e aos usuarios.
En concreto, segundo informaron fontes da área Sanitaria de Santiago, un equipo de profesionais de enfermaría desprazouse á residencia para realizar PCR a "131 residentes e 162 traballadores" tras o coñecemento deste caso positivo.
Con este novo caso, os usuarios e traballadores de residencias infectados con COVID-19 en Galicia seguen en 86 este luns. Do total, 67 son usuarios e 20 son traballadores.
Os datos das consellerías de Sanidade e Política Social emitidos este luns, mostran que o centro residencial da Fundación San Rosendo en O Inicio --intervida pola Xunta-- mantense en 64 casos, dos que 56 son usuarios e oito empregados.
Este último parte inclúe o primeiro usuario infectado na residencia DomusVi de Lalín, xa coñecido o domingo. Ademais, hai dous traballadores positivo por COVID-19.
Os 67 usuarios con coronavirus complétanse cos 10 existentes na residencia Orpea de Culleredo. Aquí, tamén segue estable o número de casos en traballadores, con catro
Ademais do oito traballadores afectados no Incio, os dous de Lalín e este catro en Culleredo, hai un caso en cada unha das seguintes residencias de maiores: DomusVi de Monforte; Paradela; San Bartolomeu de Xove; e DomusVi de Barra de Miño, no municipio ourensán de Coles. Tamén suma a estes casos o dun traballador da residencia de discapacitados das Flores, en Ourense, e o de Volta do Castro, en Santiago.
