Detectados 11 casos vinculados a unha empresa da Pobra mentres que os relacionados co centro de Correos son xa 13
No caso da Pobra, trátase de cinco traballadores da empresa e doutros seis casos vinculados aos seus contactos estreitos
Por Europa Press / Redacción | SANTIAGO DE COMPOSTELA | 26/08/2020 | Actualizada ás 20:03
A área Sanitaria de Santiago de Compostela informou dun brote con 11 casos relacionados cunha empresa situada no municipio coruñés da Pobra do Caramiñal, e detallou que os positivos vinculados ao centro de Correos de Lavacolla, na capital galega, elévanse a 13.
En concreto, no caso da Pobra, trátase de cinco traballadores da empresa e doutros seis casos vinculados aos seus contactos estreitos. Precisamente, este mércores, profesionais de enfermaría da área sanitaria realizaron un cribado na empresa e tomaron mostras a 183 persoas.
Ademais, en relación ao brote rexistrado no Centro Postal de Tratamento Autorizado de Correos en Lavacolla, a área sanitaria sinalou que os casos se elevan a 13, un máis que o martes, e que en cifra se inclúe a traballadores e aos seus contactos.
Precisamente, na xornada do martes, fontes de Correos precisaron a Europa Press que dos 12 positivos rexistrados nesa xornada, oito correspondían a traballadores e outros catro con contactos.
