As residencias galegas suman 139 contaxiados
Suman dous contaxios máis; a dun traballador en Arnoia e outro usuario en Culleredo. A do Incio segue sendo a máis afectada.
Por Europa Press / Redacción | SANTIAGO DE COMPOSTELA | 27/08/2020 | Actualizada ás 12:31
Os infectados con coronavirus COVID-19 en residencias de Galicia aumentaron noutros dous casos --un usuario en Culleredo e un traballador en Arnoia --, mentres que se rexistrou o falecemento dunha muller de 93 anos no centro Orpea en Culleredo. Todo iso, eleva a 139 os contaxiados.
Segundo os datos actualizados este xoves polas consellerías de Política Social e Sanidade, o último balance inclúe un usuario da residencia Orpea Coruña en Culleredo e un traballador da residencia Nosa Señora do Socorro en Arnoia, mentres que se exclúe á muller falecida no centro Orpea Coruña.
Así, os 99 usuarios con coronavirus corresponden a 87 da Residencia do Incio, 11 na residencia Orpea de Culleredo (A Coruña) e un na Residencia DomusVi Lalín (Pontevedra).
No que respecta aos traballadores, ademais dos 26 afectados no Incio, hai dous na Residencia DomusVi de Lalín; catro na Orpea Coruña en Culleredo; e un en cada unha das seguintes residencias de maiores DomusVi de Monforte; Paradela; San Bartolomeu de Xove; DomusVi de Barra de Miño, no municipio ourensán de Coles; Volta do Castro en Santiago; Residencia Os Terzos en Touro e Residencia Nosa Señora do Socorro en Arnoia. A eles súmase un traballador na Residencia de discapacidade As Flores en Ourense. Por tanto, os empregados contaxiados elévanse a 40.
