Aplicaranse controis en Ourense para evitar a entrada de uva foránea na vendima

As forzas e corpos de seguridade do Estado farán controis de vehículos e vixilancia nocturna para evitar a entrada de uva foránea de face á tempada de vendima que arrinca estes días en Galicia.

O subdelegado do Goberno en Ourense, Emilio González Afonso, reuniuse este venres con representantes da Delegación Territorial e a Xunta, das forzas e corpos de seguridade e dos consellos reguladores das Denominacións de Orixe da provincia o control abordar esta cuestión.

No encontro, do que informou a Subdelegación nun comunicado, valorouse as actuacións levadas a cabo polos axentes na campaña do 2019, na que non se rexistraron incidencias graves en canto ao uso de fraudulento de uva foránea.

Os presentes na reunión coincidiron ao considerar que controlar o emprego da uva permitida por cada consello regulador é un dos puntos fundamentais para garantir a calidade dos viños na que se basea o prestixio das distintas denominacións de orixe existentes na provincia (Monterrei, Ribeira Sacra, Ribeiro e Valdeorras).

Por iso, debido á existencia de sospeitas de que se produzan novos intentos de introdución de uva foránea, a subdelegación indicou que se articulará unha maior coordinación entre as forzas e corpos e os responsables dos consellos reguladores. Tamén se intensificará a presenza física dos axentes, o control de vehículos e a vixilancia nocturna.

Segundo indicou, os controis e a coordinación e intercambio de información entre as administracións e os consellos regulares está a dar resultados importantes na redución de casos de fraude de introdución de uva foránea na provincia, polo que espera que nesta campaña a tendencia continúe á baixa.

Reunión de coordinación entre o Goberno Central e a Xunta para controlar a entrada de uva allea ás denominacións de orixe da provinica de Ourense. SUBDELEGACIÓN | Fonte: Europa Press