O museo virtual de Afundación recibiu case 20.000 visitas durante este verán
Agalería abriu as súas portas virtuais co proxecto expositivo 'O mar nas coleccións de Arte Abanca e Afundación', unha mostra concibida especialmente para este museo en liña, conformada por 50 obras de 27 autores.
Por E.P. | SANTIAGO DE COMPOSTELA | 01/09/2020 | Actualizada ás 16:32
'Agalería', o museo virtual de Abanca e a súa Obra Social, Afundación, recibiu desde a súa inauguración no mes de xuño case 19 000 visitas, segundo informou a entidade a través dun comunicado.
En concreto, trátase dun novo proxecto, pioneiro en España, con carácter dinámico e interactivo, que ofrece ao visitante unha experiencia virtual para contemplar non só as obras expostas, se non o propio espazo no que se distribúen.
Agalería abriu as súas portas virtuais co proxecto expositivo 'O mar nas coleccións de Arte Abanca e Afundación', unha mostra concibida especialmente para este museo en liña, conformada por 50 obras de 27 autores.
O proxecto, desenvolvido pola compañía galega ILUX Visual Technologies, utiliza novas tecnoloxías 3D que permiten explorar, a través de todo tipo de dispositivos, contornas virtuais con máxima calidade visual e, a quen dispoñan de lentes de realidade virtual, un percorrido totalmente inmersivo.
Concibido como un punto de encontro entre o mar e a terra, as súas grandes ventás convérteno nun escaparate á natureza no que o espectador pode gozar de distintas experiencias segundo o momento do día en que acceda ao museo, onde pode moverse libremente.
