Por Europa Press / Redacción | SANTIAGO DE COMPOSTELA | 02/09/2020 | Actualizada ás 19:10
A Central Intersindical Galega (CIG) denunciou na Inspección de Traballo a situación do persoal da residencia de Nosa Señora dos Milagres na Cabeza de Vaca, despois de que se indicase por parte da dirección que de non ter o resultado da PCR que hai que facer antes de incorporarse a traballar, non se poderá acudir ao posto laboral e correrá a cargo do traballador.
Fontes da Consellería de Política Social confirmaron que este aviso se vai a "retirar" de inmediato e aclararon que non se van a levar a cabo esas medidas como consecuencia do ocorrido.
O persoal dos centros residenciais teñen que realizar unha PCR 72 horas antes de reincorporarse ao seu posto de traballo. Respecto diso, a CIG denunciou que na mencionada residencia a dirección expuxo no taboleiro unha nota que dicía textualmente "no caso de non dispor o resultado nesa data, os días non traballados correrán a cargo do traballador/a". Nota que, segundo as fontes da consellería da que depende este centro, será retirada inmediatamente.
Segundo a central sindical, o persoal "está a ter problemas para que nos centros de saúde" lles fagan a proba previa á volta a estes centros de traballo despois do período vacacional, baixa, permisos ou nova contratación, "aínda que acudan coa antelación requirida".
"Esta ameaza de desconto salarial por non ter a preceptiva PCR deixa en desamparo ás traballadoras das residencias, que si queren facer a proba", sentenciou a CIG sobre ese comunicado interno.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.