Por Europa Press / Redacción | SANTIAGO DE COMPOSTELA | 03/09/2020 | Actualizada ás 19:33
Traballadores da industria auxiliar da central de Endesa nas Pontes levaron as súas reinvindicaciones dunha "transición enerxética xusta" ás portas do Pazo do Hórreo mentres a sede do Lexislativo galego acollía a última xornada do debate de investidura de Alberto Núñez Feijóo como presidente da Xunta para o próximos catro anos.
Ao fío das 17,00 horas, cando os deputados regresaban ao hemiciclo para retomar a sesión deste xoves, os traballadores cortaron a Rúa do Hórreo á altura da porta de acceso ao complexo do Parlamento de Galicia para demandar solucións ante o peche da central térmica situada no municipio coruñés.
"O que queremos é traballo. Que a transición sexa xusta para todos, non só para os traballadores de Endesa", sinalou en declaracións aos medios Fernando Galego, empregado da industria auxiliar e que demandou "respecto" para os traballadores das empresas ligadas á central.
Pola súa banda, o responable do sindicato CIG Alberto Amado reclamou a implicación das administracións na situación aberta pola clausura da planta, xa que considera que "para que a transición sexa xusta non pode ser con despedimentos".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.