O Sergas estima "controlado" o brote con orixe no Multiusos de Santiago

Sergas dá por "controlado" o brote de covid-19 con orixe no Multiusos Fontes do Sar, en Santiago, que se mantén en 30 casos positivos.

Fontes da área sanitaria informan de que todas as probas PCR realizadas nas últimas horas a usuarios e traballadores tiveron resultado negativo.

Así as cousas, este brote continúa con 30 positivos, dous deles traballadores do complexo deportivo, que xa cancelou as clases con monitores nas que asegura que se focalizó o brote.

TRECE HOSPITALIZADOS, UN NA UNIDADE DE CRÍTICOS

O parte da área sanitaria de Compostela e Barbanza, a 4 de setembro, indica que os casos activos ascenden a 673, con 13 hospitalizados no Clínico, un deles nunha unidade de críticos.

Os pacientes curados sitúanse en 1.993 e as PCR realizadas en 54.606, de acordo coa información que trasladan estas fontes sanitarias.

Axuntando vantaxes da PCR e do test rápidos, RAP-IDE19 pretende aumentar a fiabilidade dos diagnósticos de COVID-19. /. FERNANDO ZHIMINAICELA/UCC-UCM - Arquivo