Por Europa Press / Redacción | PONTEVEDRA | 08/09/2020 | Actualizada ás 10:17
O tripulante dunha lancha foi evacuado ao Hospital do Salnés ao resultar ferido leve tras chocar a embarcación contra unha batea na Illa de Arousa, concretamente no peirao do Campo.
Segundo informa o 112, os feitos ocorreron pasada a medianoite entre o luns e o martes, tal e como indicou a persoa particular que se puxo en contacto coa central de emerxencias para pedir asistencia médica para o afectado.
No entanto, as lesións parecían "de escasa importancia", segundo sinalou o particular, e a embarcación fora recollida coa axuda doutras persoas.
Así, aínda que o 112 Galicia contactou con Salvamento Marítimo, descartouse a necesidade de enviar medios de rescate debido a que a lancha xa fora remolcada e o ferido xa estaba a ser atendido por profesionais do 061, que posteriormente o trasladaron ao Hospital do Salnés. Ata o lugar acudiron tamén os axentes da Garda Civil e voluntarios de Protección Civil do municipio de Cambados.
Hai pouco máis dunha semana outro accidente similar acabou cun mozo morto e outra persoa ferida, tamén na Illa cando volvían de apañar ameixa.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.