O Sergas publica as puntuacións das oposicións a médica de familia, pediatra e odontólogo

O Diario Oficial de Galicia (DOG) publica, na súa edición de hoxe as puntuacións definitivas obtidas polos aspirantes presentados nas oposicións do Sergas. As probas, que contemplan case 1.500 prazas para 11 categorías -entre eles médico de familia, pediatra e odontólogo- foron superadas por 4.953 aspirantes.

Segundo destaca o organismo dependente da Consellería de Sanidade, a publicación desta información deixa finalizada a fase de oposición para o acceso á condición de persoal estatutario fixo destas categorías. Está previsto que proximamente sexan publicadas as puntuacións provisionais da fase de concurso destes procesos.