Galicia contra a "Damnatio Memoriae", a práctica romana de mandar aos políticos ao ostracismo

O presidente do Parlamento de Galicia, Miguel Santalices, fixo un chamamento aos deputados que sentarán no hemiciclo galego nesta XI Lexislatura para dedicar "polo menos tanto esforzo a forxar acordos como a escenificar as diferenzas", algo que, baixo o seu punto de vista, a cidadanía "pide a berros".

"Sería unha irresponsabilidade non escoitar esa demanda reiterada", sentenciou Santalices, na declaración institucional que leu con motivo da sesión solemne de apertura desta lexislatura ante os 75 deputados que sentan na Cámara --42 do PPdeG, 19 do BNG e 14 do PSdeG--. Á sesión acudiron o presidente galego, Alberto Núñez Feijóo, e os conselleiros.

Santalices tamén situou a "exemplaridade" como "esixencia ineludible" dos cargos públicos, tanto "no exercicio das responsabiliades" que lles foron encomendaddas como no seu proceder cotián "no ámbito privado".

E rememorou que na antiga Roma, o xuízo póstumo dunha personalidade pública, en concreto o dos emperadores, podíanse acabar impondo castigos como a 'Damnatio memoriae', que implicaba a condena ao esquecemento; ou recoñecementos como a 'Apotheosis', que divinizaba ao homenaxeado, polos seus logros en vida.

"Infelizmente, na política contemporánea abundan máis os primeiros casos que os segundos. Cambiar esa tendencia é unha responsabilidade compartida e tamén unha necesidade imperiosa, non tanto para preservar o bo nome duns ou doutros, senón para cambiar o rumbo da espiral autoestructiva na que, ás veces, estamos instalados a política e os políticos", advertiu.

"Superar á crise de credibilidade da política e das institucións --crises, certamente, menos acentuada en Galicia que na nosa contorna-- esixe unha resposta contundente e continuada por parte de todos", agregou.

Sesión solemne de apertura do XI Lexislatura. | Fonte: Europa Press