Temas: GALICIA EMPRESA

Crece a creación de empresas un 9,6% en xullo a pesar da crsie

Durante o sétimo mes do ano amplían capital 83 compañías e redúceno 15.

Por Europa Press / Redacción | SANTIAGO DE COMPOSTELA | 10/09/2020 | Actualizada ás 10:30

Comparte esta noticia

O número de novas sociedades mercantís creceu un 9,6% en xullo en Galicia, ata 308, mentres que as disolucións baixaron un 30%, ata 56, segundo os datos que publica este xoves o Instituto Nacional de Estatística (INE).

As 308 novas empresas supuxeron a subscrición e o desembolso de 106,6 millóns de euros, e todas elas optaron pola forma de sociedade limitada. Mentres, as disolucións repartíronse entre 43 que se acometeron de forma voluntaria, dúas derivadas de fusións e 11 doutro tipo.

Ampliaron capital 83 compañías, por valor de case 41,62 millóns de euros. Delas, catro eran sociedades anónimas (e a ampliación ascendeu a 4,91 millóns) e os 79 restantes, sociedades limitadas (por 36,7 millóns). Pola contra, reduciron capital 15 sociedades, por importe de 86,8 millóns. Non houbo desembolso de dividendos.

DATOS ESTATAIS

No conxunto estatal, o dato de novas sociedades mercantís retrocedeu un 2,4% en xullo respecto ao mesmo mes de 2019, ata totalizar 7.636 novas empresas, pero aumentou un 13,4% respecto de xuño.

Evolución do número de empresas en Galicia. EPDATA
Evolución do número de empresas en Galicia. EPDATA | Fonte: Europa Press

Temas: GALICIA EMPRESA
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta