Por Europa Press / Redacción | Santiago de Compostela | 13/09/2020 | Actualizada ás 12:02
Un veciño de Sanxenxo morreu na tarde do pasado sábado ao ser esmagado polo tractor que manexaba nunha leira da súa propiedade situada na parroquia de Punta de Montalvo.
O suceso tivo lugar ao redor das 19,30 horas do sábado, segundo informa o CIAE 112 Galicia, que sinala que a vítima quedou debaixo do vehículo agrícola despois de que este envorcase.
Os efectivos sanitarios desprazados ao lugar, ao que tamén acudiron membros da Garda Civil, só puideron certificar o falecemento do home.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.