Políticos, banqueiros e empresarios dicustirán como gobernar un país na crise da Covid

Pedro Sánchez e Marcelo Rebelo de Sousa pencha e inauguran o II Foro La Toja no que participan ex presidentes e ex ministros e grandes emrpesarios e banqueiros.

Por Europa Press / Redacción | SANTIAGO DE COMPOSTELA | 22/09/2020 | Actualizada ás 14:05

Comparte esta noticia

O presidente do Goberno, Pedro Sánchez, será o encargado de clausurar a segunda edición do Foro La Toja, que os próximos días 1, 2 e 3 de outubro abordará asuntos como a dixitalización e o reto de gobernar en tempos de pandemia.

O presidente da República de Portugal, Marcelo Rebelo de Sousa, será quen inaugure un conclave que este ano se dividirá entre a parte presencial e a virtual. O exministro Josep Piqué e o presidente do grupo Hotusa, Amancio López, como presidente e impulsor do foro, respectivamente, encargáronse da presentación este martes.

Entre outros asistentes, asistirán os expresidentes Mariano Rajoy e Felipe González, Enrico Letta, Alberto Núñez Feijóo, Luís de Guindos, Josep Borrell, Anxo Gurría e Antonio Garamendi.

Amancio López aludiu á situación complicada pola pandemia para subliñar que os organizadores se preocuparon polas medidas de seguridade. Pola súa banda, Piqué sinalou algunhas das cuestións que analizará este ano a cita, como tendencias previas á irrupción da covid-19 pero que agora se aceleran como a dixitalización. O "vínculo atlántico", segundo destacou, será clave nesta edición, con varios relatores procedentes de Portugal.

TELETRABALLO

O teletraballo será un dos obxectos de discusión nunha mesa redonda sobre dixitalización e, respecto diso, Piqué apelou a "esperar" a coñecer o contido da norma que aproba este martes o Consello de Ministros para emitir unha opinión.

Amancio López, mentres, fixo fincapé en que "será seguramente unha gran oportunidade para zonas despobladas" da denominada "España baleira", onde "permitirá ser tremendamente competitivos" e "xerar riqueza en zonas onde se consideraba case como unha maldición bíblica" a perda de poboación.

TURISMO

No relativo ao turismo, Piqué considerou "importante que se tomen medidas" e "que non se perda capacidade", xa que "España necesita un sector turístico moi forte", aínda que o foro tamén avaliará a situación doutros sectores como o industrial.

Presentación do Foro A Toja. CAPTURA
Presentación do Foro A Toja. CAPTURA | Fonte: Europa Press

Tamén se referiron ambos, a preguntas dos xornalistas, sobre as axudas europeas ante a pandemia, das que López advertiu de que para o sector turístico poden supor "unha oportunidade".

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 BeneB

Moi importante dar novas como esta. Non entendo que empresario e banqueiros teñan máis dereito a discutir como gobernar que eu ¿democracia? Dime con quen andas........