O Goberno central fixa para 2021 a chegada do AVE a Galicia: "Será algo gradual"
Visita as obras de mellora do cruce da Rocha en Cambre, que estará concluída antes de finais de ano.
Por Europa Press / Redacción | CORUÑA, A | 23/09/2020 | Actualizada ás 13:05
O secretario xeral de Infraestruturas, Sergio Vázquez, fixou para 2021 a chegada do AVE a Galicia, remitíndose aos prazos dados xa a este respecto polo Goberno. "Será algo gradual, por etapas", sentenciou a preguntas dos xornalistas.
Nunha visita á obra da glorieta da Rocha, en Cambre, asegurou que a infraestrutura de alta velocidade está "nos seus momentos finais" co tramo Zamora-Pedralba "construído" e pendente "da aprobación para a súa posta en servizo".
"O que barallabamos", dixo ao ser preguntado sobre a data do AVE en Galicia. "A chegada a Ourense expuñamos para o próximo ano e Zamora-Pedralba vai ser inminente", manifestou, ademais de recalcar que o Goberno é o "máximo interesado" en pór en servizo esta infraestrutura.
Noutra orde de cousas, e preguntado pola ampliación de Alfonso Molina manifestou que a comunicación co concello herculino é "fluída". Tamén dixo que se está tentando "priorizar e adaptar" a primeira fase, das tres que inclúe o proxecto. "
