Por Europa Press / Redacción | A CORUÑA | 25/09/2020 | Actualizada ás 17:42
A alcaldesa da Coruña, Inés Rey, mostrou a súa satisfacción polo acordo alcanzado entre o Concello, Xunta e Adif sobre elconvenio para construír a estación intermodal.
"Este acordo posibilitará que se constrúa unha infraestructuraque permitirá mellorar a mobilidade non só da cidade, senón de todo o cinto metropolitano", sinala tras informar o consistorio do visto e prace das administracións ao convenio.
A rexedora apunta que, para o goberno local, era "unha prioridade desbloquear esta infraestrutura, xa que a súa tramitación estivo paralizada durante o último mandato"
Por outra banda, o goberno local avanza que prevé sacar a concurso, antes de que termine este ano, a execución de losaccesos pola avenida do Ferrocarril. Ademais, lembra que se aprobou unha modificación do plan xeral na zona da Sardiñeira "para poder avanzar neste proxecto, que ten un custo estimado duns 80 millóns de euros, entre o tres administracións".
En canto ao convenio, inclúese finalmente a construción dunha pasarela entre as avenidas da Sardiñeira e do Ferrocarril que, en primeira instancia, será para peóns e ciclistas, "pero que está previsto ampliar ou completar cunha nova pasarela para darlle cabida ao tráfico rodado".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.