Por Galicia Confidencial | SANTIAGO DE COMPOSTELA | 30/09/2020 | Actualizada ás 21:45
Novo episodio na loita por unha canle infantil en galego, neste caso con polémica. A iniciativa do Xabarín, que se prevé chegue ó Parlamento nuns meses, vén de ser atacada pola plataforma Hablamos Español nunha intervención que xa recolle multitude de críticas na rede social Twitter.
A plataforma comandada por Gloria Lago empregou a mesma rede para denunciar que "os pequenos hispanofalantes non importan" por buscar a iniciativa unha canle infatil en galego. No mesmo chío, a plataforma cargou contra a Mesa pola Normalización Lingüística -que lidera a recollida de sinaturas para o Parlamento-, tildándoa de "separatista".
La organización separatista A Mesa inicia este miércoles la reconquista del gallego entre los más pequeños con el regreso del Xabarín.
— Hablamos español (@HablamosE) September 29, 2020
Los pequeños hispanohablantes en Galicia no importan, ni al Gobierno ni a la oposición. #HablamosEspañol https://t.co/pR7YBICFnA
A intervención de Hablamos Español non tardou en recibir multitude de críticas de rexeitamento, entre as que destacaron os usuarios que lembraron á plataforma a oferta televisiva en castelán para os máis pequenos.
Teñen literalmente 1 canle infantil 24h en castelán pública e varias privadas. Pedir unha en galego é imposición.
— Helt Svartslegendarisk 🔥🌰🛰️🇸🇪 (@McOmghall) September 29, 2020
E ao carallo.
Clan, Boing e Disney Channel emiten en castelán (3 canles) e se pedimos 1 en galego é discriminar ás crianzas, claro que si. Seguide así, sodes unha fábrica de independentistas pola vosa actitude nazi e de xenreira cara unha lingua.
— OrgulloGalego (@OrgulloGalegoGz) September 29, 2020
"Los pequeños hispanohablantes en Galicia no importan, ni al Gobierno ni a la oposición."... ¿estás diciendo que en Galicia no pueden ver dibujos en castellano?¿ pero cómo podéis ser tan patéticos? 🙄🤦🏼♂️
— Flavio Lurpio (@FlavioLurpio) September 29, 2020
APOIO Á MESA
As palabras de Hablamos Español coinciden co anuncio da Mesa celebrando o apoio recibido por parte dos sectores da cultura e a educación de Galicia. A defensa da proposta da Mesa vén de escenificada na mañá deste venres coa presentación oficial da iniciativa lexislativa popular que pedirá a creación da 'canle xabarín'.
O acto, celebrado en Santiago de Compostela, contou co apoio de "dúas ducias de profesionais da música, do audiovisual, do teatro e da industria editorial de Galiza, así como representantes de colectivos sociais e de todos os ámbitos do ensino do país", segundo destacaron na súa web.
Tal e como subliñou nun comunicado público a asociación o apoio do sector cultural verase concretado na "posta en marcha" dun grupo impulsor da iniciadtiva popular. Este colectivo recollerá representación das principais plataformas profesionais da cultura galega, así como mutitude de artistas, empresas editoriais e musicias e colectivos sociais e políticos, entre outros.,
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.