O TSXG recoñece o dereito do persoal laboral da USC á achega de 2018 e 2019 ao fondo de acción social

Estima, en parte, a demanda que presentou o sindicato Comisións Obreiras.

Por E.P. | Santiago de Compostela | 01/10/2020 | Actualizada ás 19:59

Comparte esta noticia

O Tribunal Superior de Xustiza de Galicia (TSXG) recoñece o dereito do persoal laboral afectado o conflito a que a Universidade de Santiago de Compostela (USC) realice a achega correspondente aos exercicios 2018 e 2019 ao fondo de acción social. Así o establece nun fallo do pasado 17 de setembro no que estima, en parte, a demanda que presentou o sindicato Comisións Obreiras.

Universidade de Santiago de Compostela
Universidade de Santiago de Compostela | Fonte: USC.

A organización sindical, pola súa banda, subliña que o TSXG reprocha á USC a "absoluta falta de vontade negociadora" e que a condena a indemnizar economicamente á central por vulnerar o dereito á negociación colectiva.

Comisións denunciou á USC por negarse a negociar, a constituír e a realizar as achegas ao fondo e, de forma específica, ao plan de pensións deses exercicios.

A sala do social do TSXG afirma que a USC vulnerou os dereitos de negociación colectiva e liberdade sindical e dálle un prazo de 30 días para negociar as contías definitivas.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta