A borrasca 'Alex' deixa máis de 50 l/m2 de auga nalgúns concellos e refachos de vento de 125 km/h
Tamén se superaron os 100 quilómetros por hora en Muras, con 113,9 quilómetros por hora; e Bueu, con 101 km/h.
Por Europa Press / Redacción | SANTIAGO DE COMPOSTELA | 02/10/2020 | Actualizada ás 16:48
O paso da borrasca 'Alex' pola Comunidade galega deixou máis de 50 litros por metro cadrado de precipitacións, así como refachos de vento de 125 quilómetros por hora na Veiga este venres.
Así consta nos rexistros de Meteogalicia ata as 16,15 horas, nunha xornada na que estivo activado o aviso amarelo ata as 15,00 horas nas provincias da Coruña e Pontevedra e na montaña de Lugo e Ourense por choivas que poden superar os 40 litros por metro cadrado en 12 horas, acumuláronse 49,5 litros por metro cadrado en Vilariño de Conso e 38,3 na Veiga.
Noutras zonas de montaña como Pedrafita do Cebreiro as choivas deixaron 32,6 litros por metro cadrado, mentres que entre as localidades con altitude menor de 900 metros acumuláronse 34,9 litros por metro cadrado no Valadouro e 32,7 en Guitiriz, ambos os municipios da provincia de Lugo.
VENTO
En canto ao vento, este venres ata as 16,15 horas alcanzáronse refachos de intensidade máxima, ademais do 125 km/h na Veiga; de 122,5 km/h en Manzaneda (Ourense) e de 117,3 en Cervantes (Lugo).
Tamén se superaron os 100 quilómetros por hora en Muras, con 113,9 quilómetros por hora; e Bueu, con 101 km/h.
