Por X.M. Fernández | Cambados | 03/10/2020 | Actualizada ás 11:00
A festa de finalistas que se realiza na adega Martín Códax adquire un novo formato adaptado aos tempos e reconvértese en diferentes encontros virtuais cos finalistas de cada categoría conducidos por representantes da asociación Músicas ao Vivo.
Nestas xuntanzas, en forma de pequenas pílulas de 10 minutos, os e as finalistas de cada categoría serán presentados “nunha conversa informal e amena” e faráselles entrega de forma oficial do tradicional botellón magnum de Martín Códax. Poden verse, a razón dunha por día, dende o pasado día 30 de setembro nas redes sociais dos Premios Martín Códax da Música e de Bodegas Martín Códax.
A gala final celebrarase no Pazo da Cultura de Pontevedra o vindeiro día 21 de outubro. Por razón de aforo, a gala será retransmitida en streaming a través da páxina web dos Premios Martín Códax da Música.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.