Baixan os hospitalizados pero aumentan a 36 os pacientes na unidade de críticos

A áea de Ourense é a que conta con máis ingresados pola pandemia.

Por Europa Press / Redacción | SANTIAGO DE COMPOSTELA | 04/10/2020 | Actualizada ás 14:41

Comparte esta noticia

Os pacientes hospitalizados por covid-19 nos centros sanitarios galegos descenderon ata os 229, un menos que os que había o sábado. Con todo, aumentou o número de persoas nas unidades de críticos ata as 36, un máis que o sábado.

A área sanitaria de Ourense conta actualmente co maior volume de contaxiados ingresados pola pandemia, uns 72 (-1), dos que oito permanecen en UCI. Outros permanecen en seguimento domiciliario.

Deles, o CHUO conta con 54, o HP Verín con 12, Valdeorras con 5, Cosaga cun en planta, e A Carmen cun en UCI. A Coruña, pola súa banda, ten 50 pacientes (tres máis que o sábado) ingresados na área Sanitaria, dos que 47 están no CHUAC (tres deles en UCI) e outro tres no Hospital de Cee.

A área sanitaria de Santiago de Compostela e Barbanza conta con 31 hospitalizados, todos eles no Hospital Clínico de Santiago, que ten seis pacientes ingresados na UCI.

No caso de Lugo, A Mariña e Monforte, 24 pacientes atópanse en unidades de hospitalización, un deles en Monforte de Lemos, outro no Publico da Mariña, tres en Polusa e o resto no HULA. Outro catro atópanse na UCI do Hospital de Lugo.

Doutra banda, os centros da área sanitaria de Pontevedra-O Salnés mantén 14 pacientes ingresados en planta de hospitalización. Doce deles están no Complexo Hospitalario Universitario de Pontevedra, un no Hospital Quiròn-Saúde Miguel Domínguez Pontevedra e un no Hospital do Salnés, ademais de sete na unidade de Coidados Críticos do Hospital Montecelo.

A área sanitaria de Vigo presenta 20 pacientes hospitalizados --1 en Vithas Fátima, 2 en Povisa e 17 no Álvaro Cunqueiro, dos cales, 6 están ingresados en UCI. Por último, en Ferrol hai cinco pacientes no Complexo Hospitalario Universitario de Ferrol (4 en unidade de hospitalización e 1 en UCI).

Hospital Montecelo de Pontevedra. SERGAS - Arquivo
Hospital Montecelo de Pontevedra. SERGAS - Arquivo | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta