Por Galicia Confidencial | Compostela | 05/10/2020 | Actualizada ás 09:00
A mina contamina é unha iniciativa de sensibilización social sobre os conflitos e impactos ambientais e socioeconómicos asociados ao extrativismo mineiro. Un proxecto que acaba de publicar un interesante vídeo no que tenta mostrarlles ás crianzas os perigos das minerías intensivas.
"A necesidade de sensibilización e divulgación sobre a minaría desde puntos de vista alternativos e asentados nas evidencias históricas e científicas tórnase necesaria no momento actual ante a intensa actividade do lobby mineiro orientada a crear un “estado de opinión favorábel” apagando toda negatividade asociada ao extrativismo", apuntan os impulsores deste proxecto.
O traballo é froito da colaboración desinteresada de educadoras ambientais, docentes de ensino primario, secundario e universitario, activistas ambientais e historiadoras. Parten desde a óptica da educación para a sustentabilidade e o seu obxectivo é fomentar unha actitude crítica e reactiva en relación á visión da minaría proxectada en Galicia "polo lobby mineiro e a propia administración co obxecto de empoderar a sociedade para a defensa da súa terra, saúde e futuro".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.