A moda de alta costura aterra en Compostela
A Fundación Eugenio Granell acolle este mércores un desfile de Alalá. Estarán bloguers e xornalistas especializados e mesmo a princiesa de Bulgaria Carla Royo-Villanueva.
Por GC Tendencias | Compostela | 24/04/2013 | Actualizada ás 17:26
O 'photocall', segundo informa a organización, terá lugar a partir das 19.00 horas. Neste desfile, Alalá, a primeira firma galega especializada no deseño e confección de vestidos xoia de alta costura, presentará a súa colección 2014.
Carla Royo-Villanueva
A madriña do acto será a princesa de Bulgaria Carla Royo-Villanueva, e contará coa presenza de artistas, bloguers especializados, directores e editores das principais revistas nacionais de moda e estilo.
Alalá é unha firma de alta costura creada por dous deseñadores composteláns: Álex Regueiro e Alfredo Igresias Otero. A empresa converteuse na primeira firma galega especializada no deseño e confección de vestidos xoia de alta costura.
