Por E.P. | SANTIAGO DE COMPOSTELA | 13/10/2020 | Actualizada ás 11:51
Traballadores da planta de Alu Ibérica na Coruña secundarán este xoves unha nova protesta para esixir a intervención da fábrica, segundo informou o comité de empresa. Será nesta ocasión ás 17,00 horas diante da planta nunha concentración para denunciar os "incumprimentos" do acordo de venda e "contra a persecución sindical en Alu Ibérica", segundo figura no cartel da mobilización.
Antes da mobilización, pola mañá, están convocados a unha reunión co delegado do Goberno en Galicia, Javier Losada, segundo confirmou tamén o comité de empresa.
Nela, explica a representación sindical, trasladaranlle "a crítica situación que se está atravesando na planta". Tamén exporán a súa esixencia para que o Goberno "interveña a empresa e actúe con contundencia para esclarecer a fraude que se está cometendo e garantir o futuro da produción de aluminio primario na Coruña".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.