Illados catro traballadores do cárcere da Lama tras dar positivo en covid-19

Catro traballadores do cárcere da Lama, na provincia de Pontevedra, permanecen illados tras dar positivo nas probas da covid-19, segundo fontes de Institucións Penais, que explican que, tras coñecerse estes casos, iniciouse un estudo dos posibles contactos.

Precisamente, a pasada semana transcendeu que un preso deste centro penal permanecía en illamento sanitario tras dar positivo na proba PCR realizada tras concluír a corentena ao seu regreso ao centro por volver ao segundo grao.

Prisión da Lama, en Pontevedra.