Galicia ten máis de 8.000 estudantes buscando traballo, un 22,2% máis que o ano pasado
Un estudo de Randstad revela que o número de estudantes que tardan máis de seis meses en atopar traballo duplicouse con respecto a setembro de 2019.
Por Europa Press / Redacción | SANTIAGO DE COMPOSTELA | 15/10/2020 | Actualizada ás 18:46
O número de estudantes desempregados en procura de emprego en Galicia creceu un 22,2% no mes de setembro con respecto a hai un ano, ata superar os 8.000, segundo revela un estudo da empresa de recursos humanos Randstad.
No entanto, engade, o incremento en Galicia dos estudantes que buscan traballo é 26,9 puntos porcentuais inferior á media nacional (que alcanza 49,2%), e supón o 8,7% do total de estudantes demandantes de emprego do país.
A nivel provincial, A Coruña conta con 3.287 estudantes en procura de traballo, volume que se incrementou un 21,7% nun ano, seguida por Pontevedra, con 2.994 (19,6%); Ourense, con 950 (20,4%), e Lugo, con 798 (38,5%).
No conxunto do país, segundo Randstad, 92.480 estudantes desempregados atópanse buscando emprego, un volume que creceu un 49,2%, o maior volume do últimos dez anos
O estudo de Randstad revela que o número de estudantes que tardan máis de seis meses en atopar traballo duplicouse con respecto a setembro de 2019. En concreto, rexistrouse un significativo incremento dos estudantes demandantes de emprego que levan buscando traballo entre seis e doce meses, dun 211%. Pola súa banda, os que levan máis dun ano nesta situación aumentaron un 49,4%, mentres que os que levan menos de seis meses creceron un 10,1%.
