Por Europa Press / Redacción | SANTIAGO DE COMPOSTELA | 16/10/2020 | Actualizada ás 13:16
Tres candidaturas galegas optan aos Premios Nacionais de Artesanía 2020, que o Ministerio de Industria, Comercio e Turismo prevé dar a coñecer nunha cerimonia a finais deste ano.
Así, tres proxectos radicados en Galicia atópanse entre os 14 finalistas dos galardóns, que na súa edición do pasado ano recoñeceron á 'zoqueira' Elena Ferro na categoría de obra consolidada.
Este ano, o taller téxtil RiR & Co Deseño Téxtil Artesán, situado no caso histórico de Allariz e encabezado pola deseñadora Inés Rodríguez, opta ao Premio ao Emprendimiento. O espazo dedícase á realización de deseños para un "público global" a través de distintas técnicas téxtiles tradicionais combinadas con tendencias actuais do maercado e materiais naturais ou novos como a fibra óptica.
Pola súa banda, Santiago Besteiro tamén é candidato ao Premio ao Emprendimento polo proxecto desenvolvo no estudo-taller que leva o seu nome e onde leva a cabo deseños e desenvolvementos de pezas artesás en coiro.
Cunha aposta pola alta calidade e compromiso co medio ambiente, a empresa atópase nestes momentos nunha investigación para lograr novos produtos adaptados ás circunstancias actuais e explorar a súa internacionalización comercial.
Por último, a Fundación Pública Artesanía de Galicia é candidata ao Premio Promociona Para Entidades Públicas polo proxecto 'Artesanía non Prato', posto en marcha no ano 2013 para reforzar a relación entre artesanía, deseño e gastronomía. O obxectivo de 'Artesanía non Prato' é conectar aos chefs coa artesanía e que exerzan como "abanderados e promotores" da marca.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.