Falecen tres persoas por COVID o que eleva a 818 o número de vítimas en Galicia
Con este tres últimos falecementos, a cifra total desde o comezo da 'nova normalidade' ascende a 199 en Galicia.
Por Europa Press / Redacción | SANTIAGO DE COMPOSTELA | 17/10/2020 | Actualizada ás 20:23
As vítimas da pandemia do coronavirus en Galicia subiron a 818 despois de que falecesen nas últimas horas tres homes diagnosticados de COVID-19 que estaban ingresados en hospitais da Coruña, Ferrol e Verín, respectivamente. Todos contaban con patoloxías previas.
En concreto, o home falecido no Complexo Hospitalario Universitario da Coruña (Chuac) tiña 81 anos, mentres que os outros dous, que morreron no Complexo Hospitalario Universitario de Ferrol (CHUF) e no hospital comarcal de Verín, tiñan 80.
Estas son os tres vítimas que deixa este sábado a pandemia do coronavirus na Comunidade galega, despois de que as autoridades sanitarias notificasen o venres sete decesos.
Ademais, o pasado martes morreron un total de 11 persoas diagnosticadas de COVID-19, a maior cifra diaria notificada por Sanidade desde o 15 de abril, cando a Consellería informara de 15 decesos.
Con este tres últimos falecementos, a cifra total desde o comezo da 'nova normalidade' ascende a 199 en Galicia. A primeira morte deste período foi a dunha muller o 7 de agosto. Antes diso, a Comunidade galega encadeara case dous meses --desde o 10 de xuño-- sen decesos relacionados co coronavirus.
