O BNG quere que a nova lei de Educación recoñeza o "carácter plurinacional" do Estado
Presenta máis de 100 emendas á reforma desta lei.
Por E.P. | SANTIAGO DE COMPOSTELA | 25/10/2020 | Actualizada ás 20:25
O BNG rexistrou máis 100 emendas ao proxecto para a reforma da lei de Educación presentada polo Goberno central. O obxectivo principal da formación frontista, segundo recolle un comunicado, é que se reforce o papel das autonomías na xestión das súas competencias en materia educativa.
Así, as emendas rexistradas polo deputado nacionalista no Congreso Néstor, que van na liña de apostar por un sistema educativo "verdadeiramente público", que "asegure" a educación en lingua galega e dote de "os recursos materiais e humanos necesarios para que sexa unha educación de calidade".
"É necesario que a lei recoñeza o carácter plurinacional, pluricultural e plurilingüe do Estado, no sentido de que o Goberno español non impoña medidas unilateralmente, senón que toda a normativa básica parta do acordo coas diferentes comunidades autónomas, o que permitiría adaptar o marco educativo legal a nosa propia realidade", sinalou o parlamentario galego.
Deste xeito, o Bloque propón que "todas" as decisións en materia eduactiva sexan "acordadas" entre comunidades autónomas e "respecten" as competencias exclusivas que recaen na Xunta de Galicia. Así mesmo, reclama a redución dos cocientes máximas en todos os niveis, así como a gratuidade universal na educación de 0 a 18 anos.
