Descobren unha antiga prensa rupreste oculta entre os concellos de Ourense, Amoeiro e Punxín
Podería ter sido empregada na Idade Media ou mesmo nos últimos anos do Imperio Romano.
Por E.P. | SANTIAGO DE COMPOSTELA | 01/11/2020 | Actualizada ás 18:45
A Asociación para a Defensa do Patrimonio Galego informou do achado dunha prensa rupestre situada na Golpilleira, entre os concellos de Ourense, Amoeiro e Punxín. O descubrimento, posto en coñecemento da delegación provincial do departamento de Patrimonio da Xunta, foi localizado por Javier Torres grazas ás indicacións dun veciño do lugar.
Trátase dunha prensa que conserva a laxa granítica aplanada dunhas dimensións de 5 metros por 5 metros, ademais duns estipites rectangulares para sustentar a prensa e un oco central para recoller as decantacións das filtracións da cuba. Á beira da laxa atópase un marco composto por unha cruz e tres iniciais coas letras 'P' de Punxín, 'A' de Amoeiro e 'C' de Canedo, que pertence na actualidade ao Concello de Ourense.
A Asociación para a Defensa do Patrimonio Galego sinala que "é difícil" datar a peza sen contar cunha intervención arqueolóxica, aínda que a maior parte deste tipo de prensas dátanse da Alta Idade Media, aínda que hai outros da Baixa Romanidade e etapas posteriores.
