O Hospital Montecelo recupera a súa actividade cirúrxica

O Hospital Montecelo recupera a súa programación cirúrxica, afectada ata agora pola incidencia da COVID-19 nas instalacións.

En concreto, segundo indica a área sanitaria, o nivel de ocupación de camas hospitalarias COVID e a dinámica asistencial facilitaron a recuperación desta actividade.

Tamén se controlou o gromo do servizo de Oncoloxía e realizouse un cribado xeral en pacientes e profesionais do Hospital Provincial.

A incidencia da pandemia obrigou a suspender a pasada semana ata tres quirófanos no Montecelo debido á necesidade de camas de hospitalización COVID. A partir deste martes, o centro recupera a súa actividade cirúrxica agás nun dos quirófanos.

Hospital de Montecelo, en Pontevedra | Fonte: aldhos.com