Temas: TRIBUNAL CONSTITUCIONAL LINGUAS COOFICIAIS UNIDAS PODEMOS RESTRICIóNS VOX PODEMOS XUNTA CS EDUCACIóN PSOE ESPAñOL ERC ENSINO PP

PSOE, Podemos e ERC votan que o español deixe de ser a única "lingua oficial e vehicular" na educación

Serán as autonomías as que decidan cal é a lingua "vehicular" nos seus procesos educativos. A Mesa pide á Xunta aproveitar esta modificación para eliminar as restricións ao ensino de galego

Por Europa Press / Redacción | Compostela | 05/11/2020 | Actualizada ás 21:00

O Relatorio da Comisión de Educación do Congreso, grupo de traballo que analiza, debate e vota as emendas ao proxecto de reforma da lei educativa, votou a favor este xoves de eliminar que o castelán sexa considerada unha lingua vehicular no ámbito educativo e unha lingua oficial do Estado.

A emenda conxunta do PSOE, Unidas Podemos e ERC (que saíu adiante por 20 votos a favor, fronte a 16 en contra e 1 abstención) suprime da lei educativa (Disposición Adicional 38) a referencia ao castelán como "lingua oficial do Estado", así como de "linguas vehiculares" tanto ao castelán como as demais linguas cooficiais.

O texto, ao que tivo acceso Europa Press, quedaría así: "As Administracións educativas garantirán o dereito dos alumnos e as alumnas a recibir ensinos en castelán e nas demais linguas cooficiais nos seus respectivos territorios, de conformidade coa Constitución Española, os Estatutos de Autonomía e a normativa aplicable". Deste xeito, a emenda pretende introducir a posibilidade de que as comunidades autónomas poidan determinar cal é a lingua vehicular do seu territorio no ámbito educativo.

O proxecto de reforma inicial non recollía nun principio esta opción, ao establecer que "as Administracións educativas garantirán o dereito dos alumnos e as alumnas a recibir ensinos en castelán, lingua oficial do Estado, e nas demais linguas cooficiais nos seus respectivos territorios", así como que "o castelán e as linguas cooficiais teñen a consideración de linguas vehiculares, de acordo coa normativa aplicable".

Pero agora, con esta emenda, elimínase do proxecto a referencia ás linguas cooficiais como "linguas vehiculares" e ao castelán como "lingua oficial do Estado". Tamén a actual lei de educación (a chamada 'lei Wert') recolle que "o castelán é lingua vehicular do ensino en todo o Estado e as linguas cooficiais o son tamén nas respectivas comunidades autónomas, de acordo cos seus Estatutos e normativa aplicable".

A MESA

A iniciativa pactada entre PSOE, Unidas Podemos e ERC suscitou a polémica entre o resto de forzas parlamentarias. De feito, o PP, Cs e Vox xa anunciaron que recorrerán ante o Tribunal Constitucional a denominada 'lei Celaá', no caso de que finalmente inclúa a supresión do castelán como lingua vehicular.

Respecto diso, a asociación A Mesa pola Normalización Lingüística instou á Xunta a aproveitar a modificación para eliminar as restricións á impartición da galega e actuar no seu propio marco legal e cumprir coas recomendacións do Consello de Europa, para así eliminar o decreto do plurilingüismo.

NON SEGREGACIÓN DE SEXOS NA CONCERTADA

Igualmente, saíu adiante outra emenda transaccional entre o PSOE, Podemos e ERC, por 20 votos a favor, 16 en contra e 1 abstención, para prohibir que na educación concertada se poida segregar aos alumnos por sexo. Concretamente, dita modificación contempla a opción de retirar o concerto a aqueles centros educativos que incorran na separación por xénero dos alumnos, sustentando ese impedimento na Lei de Igualdade.

Temas: TRIBUNAL CONSTITUCIONAL LINGUAS COOFICIAIS UNIDAS PODEMOS RESTRICIóNS VOX PODEMOS XUNTA CS EDUCACIóN PSOE ESPAñOL ERC ENSINO PP

3 Moine

O galego é a língua criada polos galegos e galegas, o castelá foi imposto a sangue, escárnio, e lei; como qualquer língua imperial sobre os povos conquistados.

2 Amancio

Amigo nostrus, concordamos entón no sistema de vías. Non concordamos no do bilingüismo. En Galicia o bilingüismo simplemente é un estado transitorio na desaparición da lingua galega, algo que nos fai máis pobres. O galego pode levar as de perder, hoxe, mais somos moitos os que a pesar da imposición e de termos de aturar unha maioría con complexos preservamos a lingua con orgullo, xunto co resto de falantes galegófonos ou lusófonos do planeta. A fin de contas lembra que cando Shakespeare escrebía as suas obras o inglés era unha lingua marxinal e o francés tamén perdeu en Flandres.

1 nostrus

Si fósemos da mesma calaña que as sectas nacionalistas pediríamos que só fose lingua oficial o español e apoiaríamos esta decisión en que por moitos séculos foi a única lingua oficial incluso en territorios como Cataluña ou Galicia, pero somos moito mellor ca eles e pedimos bilingüismo ala onde exista. O Psoe con estas paiasadas amosa ser un partido nada responsable. Logo alporizádesvos de que Vox suba.

1 Pilar Castro

Pon a vacina da rabia, Ciudadano, e vai asimilando o feito de que loitaremos polo galego coma lingua vehicular na Galiza. Se non gostas bótalle sucre ou emigra porque gallegos coma ti sedes a ruina da nosa nación e ides en picado á irrelevancia. Un saúdo.

2 nostrus

O teu comentario si que é irrelevante porque o galego xa é vehicular na nosa "rexión", pero do que se trata é de que deixe de selo o español. Eso é o que perseguides os fundamentalistas galegueiros, pero con eso ninguen gañaria nada, agás vos que pillariades un orgasmo a costa de perxudicar as personas. Que saibas tamén que en Galicia cabemos todos e non é preciso largar a ninguén e a vosa loita de facer unha Galicia para vos solos está condenada ao fracaso.

3 Amancio

Amigo nostrus, o que perseguimos os fundamentalistas galegueiros é ensino 100% para os nosos fillos en galego, para manteren a língua que falan na casa fóra dela. E iso é un mandato legal e un compromiso adquirido polo Reino de España pola ratificación da Carta Europea de Linguas Rexionais e Minoritarias que está a ser incumprido pola Xunta de Galicia. E aos gardiáns da legalidade davos igual porque no fundo sodes uns hipócritas. Persoalmente eu admito un sistema de vías cunha vía 100% en castelán agás galego. A fin de contas pail4ns sempre ten de haber.

4 nostrus

Amancio, yo quiero que los padres elijan la lengua vehicular de sus hijos, sea ésta el español o el gallego. Recuerda que la verdadera garantía ppara el gallego será el bilingüismo, porque mientras haya bilingúismo existirá el gallego, pero cuando sea cuestion de modas unas veces se machacará al castellano y otras al gallego. Y el gallego lleva las de perder porque el castellano es tan potente que es indestructible. Así que mejor "bilingúismo".