Buscan fondos para tratar en Galicia un bebé de Málaga con parálise cerebral
Dante, que ten oito meses, sofre, por falta de osíxeno, unha parálise cerebral que podería ser tratada nunha clínica privada galega.
Por Europa Press / Redacción | Málaga | 07/11/2020 | Actualizada ás 19:25
Dante, un menor de oito meses que vive en Villanueva de Algaidas (Málaga) sofre, por falta de osíxeno, unha parálise cerebral que podería ser tratada nunha clínica privada de Galicia. O tratamento "longo e moi custoso" sumado a que os seus pais "non teñen os medios necesarios para facelo", levou a lanzar unha campaña de recadación de fondos que se suma a unha recollida solidaria de tapóns en varias localidades veciñas.
O Concello de Villanueva de Algaidas publicou nas súas redes sociais ambas as posibilidades de contribuír á viaxe de Dante e posterior tratamento nunha clínica privada de Galicia. Por unha banda, detalla os puntos onde depositar os tapóns, que no municipio é a gardaría, pero tamén se pode contribuír en Cuevas Bajas, Alameda, Villanueva de Tapia, Loja, Huertor Tajar, Villanueva del Rosario e Villanueva de la Concepción.
Do mesmo xeito, o Consistorio facilita dous números de conta para axudar ao pequeno.
"Ola son Dante, vivo en Villanueva de Algaidas e teño oito meses, por falta de osíxeno no cerebro, sufro unha parálise cerebral, a cal me impide tragar, polo que me alimento por sonda, tamén teño problemas respiratorios e de mobilidade. Os meus papás quérenme levar a unha clínica privada a Galicia onde poden axudarme", recolle a publicación, onde agradece toda axuda e colaboración.
