Por Europa Press / Redacción | SANTIAGO DE COMPOSTELA | 10/11/2020 | Actualizada ás 13:52
Un grupo de representantes de centros concertados mobilizáronse na Coruña contra o Proxecto de Lei Orgánica de modificación de LÓEA, tamén denominada 'lei Celaá', que actualmente se atopa en trámite parlamentario.
Fixérono ante a Delegación do Goberno en Galicia, onde procederon á lectura dun manifesto e ante a que exhibiron carteis en defensa dos 'dereitos e liberdades educativas das familias'. Noutro podíase ler: 'a Lei Celaá rexeita o pluralismo. Só aposta polo ensino único e o modelo único'.
En declaracións a Europa Pres, Nacho Louro, presidente de FAPA-Coruña, federación que aglutina a Anpas de centros concertados e privados, asegurou que o obxectivo destas mobilizacións é lograr "paralizar esta reforma educativa". "É unha reforma que vén cernar dereitos e liberdades das familias, hoxe recollidas na Constiución, dereitos avalados en sucesivas sentenzas do Supremo e o Constitucional", expuxo.
REFORMA "IDEOLÓXICA"
Ademais de cualificala de "partidista" e "ideolóxica", sinalou que "limita" que os pais poidan elixir o centro educativo para os seus fillos. "Elimina o principio de demanda social e os concertos para a educación diferenciada", citou.
A iso, sumou o uso do castelán. "É a segunda lingua máis falada no mundo e aquí unha emenda nada por petición de Esquerra Republicana, fai que o castelán non sexa lingua vehicular", apostilou. Na lectura do manifesto, denunciaron tamén que "se abandona aos profesionais de concertados e educación especial ao non introducir ningunha mellora".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.