As cidades abandonan o transporte público ante o medo ó contaxio
Os autobuses urbanos rexistraron unha caída histórica do 36'8% en setembro.
Por E.P. | SANTIAGO DE COMPOSTELA | 11/11/2020 | Actualizada ás 10:57
Os viaxeiros transportados por autobús urbano en setembro en Galicia descenderon un 36,8% respecto ao mesmo mes do ano anterior, ata 3.378.000 usuarios. No que vai de 2020, ano marcado pola crise derivada da pandemia da covid-19, a redución deste tipo de usuarios é do 42,1% na comunidade galega.
No conxunto estatal, o número de viaxeiros que optou por viaxar en avión para desprazarse polo interior do país baixou un 56% en setembro respecto ao mesmo mes do ano anterior, segundo os datos que publica este mércores o Instituto Nacional de Estatística (INE). En total, máis de 1,7 millóns de viaxeiros usaron o avión para os seus desprazamentos en setembro, mentres que os viaxeiros que utilizaron o AVE sumaron 525.000 usuarios, un 73% menos que en igual mes de 2019.
Segundo a estatística de transporte de viaxeiros, o número de usuarios do transporte público baixou en setembro un 44,6% en taxa anual, ata os 232,8 millóns, fronte aos 420,3 millóns de euros do mesmo mes do ano pasado. No nove primeiros meses do ano, o número de viaxeiros reduciuse case á metade respecto ao mesmo período do ano pasado.
