O comité de Endesa nas Pontes acusa á empresa de "romper a conciliación laboral e familiar" de traballadores

O comité de empresa da térmica de Endesa nas Pontes de García Rodríguez denunciou que a compañía xa asignou destino a 53 traballadores deste centro de traballo cando aínda non se decidiu sobre a "viabilidade técnica e económica" destas instalacións, coa utilización de biocombustibles.

En concreto, lembran que este centro de produción de enerxía "non ten a data de peche asegurada, cos catro grupos aínda dispoñibles", e que "se teñen que garantir as necesidades de persoal para a operatividade da mesma, incluíndo o suposto de viabilidade técnica, económica e ambiental das probas de biocombustibles".

É por iso que desde o comité de empresa emprazaron á dirección á "paralización total de todas as recolocacións e saídas". Desde o comité que preside Luís Pico (CIG) tamén se incide en que dos 53 traballadores aos que se lle asignou un novo destino "só 19 foron asignados a unha vacante que solicitaron", que representa un 36%.

Esta porcentaxe está "moi lonxe" do 80% ao que fan referencia no comunicado emitido aos traballadores, polo que acusan o conselleiro delegado da empresa, José Bogas, de incumprir a súa promesa e de "romper a conciliación familiar e laboral" dos empregados e porlles na tesitura "de ou che vas onde asignámosche ou ao paro".

Neste sentido, solicitan "recolocaciones voluntarias, sen présas e con alternativas de proximidade", e ponse a disposición dos traballadores por se reciben "algún tipo de presión para incorporación".

PROBAS BIOCOMBUTIBLES

Por outra banda, o comité de empresa tamén trasladou que o pasado mércores finalizou a segunda quenda de probas con dúas mesturas de 50% carbón 50% biocombustibles durante 7 días". "Dados os excelentes resultados obtidos nestas probas, sen realizar ningún investimento, é necesario establecer os seguintes fitos para conseguir a substitución total do carbón".

Camións bloquenado o acceso á central térmica de Endesa nas Pontes. CEDIDA (TRABALLADORES)