Por Europa Press / Redacción | Santiago de Compostela | 13/11/2020 | Actualizada ás 15:08
Os usuarios de residencias con coronavirus descenderon a 393 --oito menos que o xoves--, despois de 31 novos positivos, tres falecidos e 36 altas. Mentres, os traballadores infectados baixan a 242 --sete menos--.
Segundo os datos actualizados este venres polas consellerías de Sanidade e Política Social, detectáronse unha ducia de positivos en en DoralResidencias de Mos; nove na residencia Virxe de Guadalupe de Mos; oito, en Nosa Señora das Virtudes de Pontedeume; así como unha na residencia de maiores de Monforte e outro na de Santa Olalla de Boqueixón.
Deste xeito, as residencias con máis usuarios contaxiados son: a DomusVi Ribadumia, con 72; Nosa Señora das Virtudes de Pontedeume, con 50; a Ballesol Vigo, con 41; a Residencia de Salvaterra do Miño, con 32; a Residencia San Cibrao de Cervo, con 31; Nosa Señora dos Miragres de Barbadás, con 21.
En canto aos traballadores de residencias contaxiados en Galicia, descenderon en sete ata 242. Hai dous novos positivos en DoralResidencias de Mos, así como un novo na residencia de Vilaboa (Pontevedra) e outro na DomusVi de Chantada.
CENTROS DE DISCAPACIDADE
Pola súa banda, nos centros de atención a persoas con discapacidade mantense este venres a cifra de 32 usuarios infectados.
Así mesmo, rexistrouse o alta dun traballador da residencia do Imserso de Bergondo, de forma que os empregados positivos nestes centros baixan a 16.
Dos 32 usuarios, 17 está na DomusVi de Bóveda e 15 na residencia San Vicente de Paúl de Lugo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.