Marea Atlántica denuncia un "recorte" no Servizo de Axuda a Domicilio, que o goberno local vincula coa Xunta

Marea Atlántica denunciou un "recorte intolerable" no Servizo de Axuda a Domicilio (SAD), que o goberno local vincula con decisións adoptadas pola Xunta de Galicia. Nun comunicado, o grupo municipal da Marea Atlántica informa o rexistro dunha batería de preguntas no consistorio para coñecer "o alcance e os motivos" desta medida.

A edil Silvia Cameán, presidenta da Comisión de Benestar Social, afirma que é "incomprensible que se están reducindo recursos en plena pandemia" e insta o goberno municipal e á Xunta "a buscar solucións que non pasen polo abandono das persoas dependentes".

Por outra banda, asegura que o acordo ao que chegaron co PSOE para aprobar os orzamentos 2020 "incluía 600.000 euros para un novo contrato de axuda a domicilio" para reforzar o servizo "e chegar a 160 persoas máis". "Estamos a 17 de novembro e o gobiernomunicipal aínda nin iniciou a licitación", denuncia.

RESPOSTA DO GOBERNO LOCAL

Mentres, desde o goberno local aseguraron a Europa Press que o consistorio "non reduciu as horas de ningún usuario que tivese o servizo en activo cunhas horas concedidas".

Tamén precisa que a Xunta "concedeu un SAD extraordinario para paliar as posibles situacións de gravidade derivadas da Covid e do peche dos centros de día que decretou". "Esas son as horas que agora a Xunta nos comunica que deben de deixar de prestarse a data 30 de novembro, é dicir, non se reduce ningunha hora de ningún servizo ordinario que xa se estivesen prestando antes da pandemia".

Renta